25
02.2020

【滿足感爆燈】一次性口罩DIY實錄

親子育兒(健康)  

撲口罩!撲口罩!相信大家呢個幾月嚟都不停為自己同家人撲口罩,呢啲生活真係好精神折磨呀!有見及此,晴朗媽媽參考過不同口罩DIY嘅做法,決定自己動手整。又估唔到一次就已經成功!一定要同大家分享下呀!

教學短片:

材料(20個口罩):
熨衫板 1個
封口機(5mm粗度) 1部
封口機(2mm粗度) 1部
紙樣1 1張
紙樣2 1張
無紡布(70cm x 1m) 3塊
熔噴過濾層(17.5cm x 1m) 4塊
鼻樑鐵線(10cm) 20條
掛耳橡筋 7碼
大頭針 兩支
*按下材料名稱可參考淘寶連結及下載紙樣

做法:
1. 將紙樣逐個剪出,首先將紙樣A(口罩面層)剪出,然後將紙樣B及C(用作包口罩左右邊緣)剪出,再將紙樣D(口罩中層及內層)剪出。
2. 將紙樣A放在無紡布上裁出相同的尺寸,然後將紙樣D放在無紡布上裁出相同的尺寸,再將紙樣D放在熔噴過濾層上裁出相同的尺寸。
3. 將紙樣A、無紡布(與紙樣A相同尺寸)、熔噴過濾層、無紡布(與紙樣D相同尺寸)放在熨衫板上,按先後次序一層層疊上,並用大頭針鞏固位置。
4. 將所有材料跟隨紙樣A的虛線摺疊,移除大頭針。
5. 將紙樣A從材料中取走,然後稍稍整理口罩的摺疊部分。
6. 口罩面向下,將口罩底部放在封口機(5mm粗度)上封口。
7. 口罩面向下,將口罩的頂部(第1封口線)放在封口機(2mm粗度)上封口。
8. 將鼻樑鐵線(平滑面向自己)放在第1封口線之下。
9. 口罩面向下,將口罩的頂部(第2封口線)放在封口機(2mm粗度)上封口。
10. 將紙樣B及紙樣C放在無紡布上裁出相同的尺寸,並將裁出的兩塊無紡布對摺。
11. 口罩面向下,分別將口罩的左邊緣和右邊緣放在封口機(2mm粗度)上封口。
12. 跟隨紙樣上的掛耳橡筋長度剪出兩條相同長度的橡筋(可因應個人耳距而作出長度微調)。
13. 將橡筋放在口罩的左右其中一邊(呈C形),然後將無紡布(與紙樣B/C相同尺寸)包邊,放在封口機(5mm粗度)上封口,另一邊相同做法。
14. 大功告成!快啲戴上新鮮出爐嘅口罩,感受一下無限滿足感啦!Yeah~ ^^V


人哋唔知,仲以為係一般外科口罩嚟添!扼得下人喎!XD

其實我響淘寶唔只買咗以上材料,仲買咗好多其他唔同嘅料試下,大家都可以試多啲唔同用料,務求整出一個最適合自己既口罩。只要記住一個原則,外層防水、中層過瀘、內層吸水,就可以放膽去試喇!

聽講中層可以用除塵紙,都可以試下喎!不過掛耳橡筋都仲未買到理想嘅!片中果兩條係取自正式外科口罩。始終掛響耳仔嘅,我覺得應該要實際摸過上手感覺下質地先用會好啲,唔係戴得耐會唔舒服加嘛!畀個tips大家!可以落深水埗尋覓一下㗎!搵料期間,我仲見到好多有興趣整布口罩嘅朋友好努力咁撲料添!不過對於唔識用衣車車嘢嘅我嚟講,都係用封口機整一次性口罩適合啲喇!

有家人響診所工作,以前訂開50個口罩價錢$120/10盒。自從武漢肺炎疫情爆發後,竟然加到去$160/盒,仲要訂購一次之後想再訂已經話冇貨喇!不過我見出面賣得仲貴,要成$350~$500/盒。我哋而家自家製,如果只計材料費,整50個為番都係$2.90/個,如果整1000個價錢仲可以去到$2.00/個添!化算好多,又唔駛四圍撲,我哋唔再加入口罩慌行列喇!

晴朗媽媽嚟梗會大量生產,主要係供應番畀自己親人使用。當第一批成人口罩落成後,就會再研發兒童口罩。大家都快啲動手試下做啦!不過事先聲明,自製口罩未經任何認證,唔可以同巿面上嘅外科口罩睇齊。防唔防到武漢肺炎或其他病菌,就要自行承擔責任喇!^^

最後,祝大家身體健康!希望可以快啲同口罩講bye bye啦!


FIND US on:
  "  "   

BLOGs:

 

CONTACT US:

發表於2020.2.25
留言(0)
博客名稱 :
晴朗媽媽
網誌名稱:
晴朗天 - 食·玩·育·美·愛の親子平台
使用天數:1,418
年齡:3
電郵:chinglongtin@gmail.com
按月份瀏覽
    2020
  • 一月
  • 二月
  • 三月
  • 四月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 生活品味
  • 電影戲劇
  • 攝影寫真
  • 其他
  • 財經生活