18
04.2013

京都、大阪、神戶、名古屋、奈良賞櫻之旅 - Day 9 (4/4) - 名古屋

一早又落去食Toyoko Inn個早餐!其實對呢到嘅早餐真係又愛又恨;愛嘅係可以食飽飽,唔使另外使錢出去買同諗食咩早餐!而恨嘅係要早起身,而且食到飽飽無得出去試新嘢!食飽就出發去完成埋今個旅程最後一日嘅賞櫻行程。因為今要去名古屋市內好幾個地方,搭地鐵係最方便嘅,而且佢有一日劵,平日價錢係¥740一個人,如果當日要搭多過3程地鐵,就買pass會抵啲!

名古屋地鐵1 day pass(官網


第一站係去山崎川。由名古屋搭地鐵去瑞穂区役所。再行過去山崎川。



沿途都有櫻花樹


連地下都有櫻花圖案


行左10分鐘就到

地圖




今日好好天,個天勁藍,影出嚟啲相好靚!







行完就返去地鐵站去下一站。途中經過V DRUG,呢間其實係藥房同超市嘅混合體,有嘢食有嘢飲賣亦都有化妝品同日用品。



當然入去補給下喇!不過呢隻可樂怪怪地味。認住佢!


返到瑞穂区役所站搭車過鶴舞公園,先去御器所再轉去鶴舞。


一出地面就係鶴舞公園。




嚟到有少少失望!好多櫻花巳經甩落嚟而且仲生埋葉。唔係咁靚!





不過睇得出當地人一啲都唔介意,有好多人都嚟呢到坐喺樹下面飲酒野餐!


我地一場嚟到,但理由就咁就走,當然學佢哋喺樹下野餐喇!不過今次無咩準備,只係帶得張墊。啲食物喺附近小食檔到買,而飲品就喺汽水機㩒。咁就買左¥1,960


八爪魚丸ok! 不過不失!


燒鮎魚完全唔掂!!!


炸雞好"鞋",無上次喺郡山果到買嘅咁好食!


飲品無特別。


食完坐多陣就返榮行街街!仲順便食埋しら河鰻魚飯。個人覺得呢間鋪頭比蓬萊軒嘅鰻魚飯好食!

地圖








食完就返Toyoko Inn擺低頭先啲戰利品!再出發去名古屋城賞夜櫻。




整個CLOSE UP


呢到比前幾日去大阪城好好多!起碼有好多大光燈照住啲櫻花,影啲相出嚟都可以分到係樹葉定櫻花。



見名古屋啲夜櫻都幾ok,所以我地臨時決定再返山崎川賞夜櫻,橫掂有一日劵任搭。去到瑞穂区役所又行過山崎川。呢到比上次去佐保川仲靚!因為佢呢到啲燈又光又密!照到啲櫻好似識發光咁!



整張減光嘅



喺山崎川行到九點幾先走,行返出瑞穂区役所站有間Lawson100,走入去八下,都發現到啲正嘢買。

呢張喺日頭果陣影嘅


香港果啲日本奶都係3.6或者3.7好少會見到有4.6。但係日本周圍都有而且仲有好多牌子,不過呢隻奶真係好罪惡!一隻卡路里頂得住兩盒脫脂奶,超肥呀!


之後返名古屋站搵地方食晚餐。尋晚食左居酒屋,今晚唔想重複。原來想去尋晚經過嘅拉麵鋪到食,點知去到見到拍烏蠅而且睇相見到佢啲叉燒超肥,即走呀!返到去酒店附近見到間好西式嘅拉麵店,叫本鄉亭。見幾多人食就入左去。

叫左一個白一個黑拉麵。都幾好味!






食完就返酒店執行李,準備第二日搭飛機返香港。瞓之前仲整返罐啤酒同一包薯片享受埋呢個旅程嘅最後一晚!

發表於2013.4.18
留言(1)
  • Carrie
    你呢個鰻魚飯幾錢呀?謝謝!
    28/05/2013
博客名稱 :
Chris
網誌名稱:
食與玩的記錄
使用天數:2,422
性別:
按月份瀏覽
    2020
  • 一月
  • 二月
  • 三月
  • 四月
  • 五月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
自行分類
最新留言